Posted in Մայիսյան հավաք, Ռադիոնյութեր

Հավես օր․ «Ուրախ արևներ» ռադիո#20

«Ուրախ արևներ» ռադիոյի եթերում ուրախ արևներն են, պատմում են իրենց անցակացրած հավես օրվա մասին․ ինչպե՞ս են կրթական փոխանակումներ կատարել, ի՞նչ են սովորել և սովորեցրել։ Ի՞նչն է ավելի շատ իրենց դուր եկել, ի՞նչ տարբերություններ են նկատել սեբաստացիները։

Posted in Ընթերցարան

Ջ․ Ռոդարի․ «Թե ինչպես կապիկները ճամփորդեցին»

Թե ինչպես կապիկները ճամփորդեցին

Մի օր կենդանաբանական այգու կապիկները որոշեցին  ճամփորդել, աշխարհ  ճանաչել:  Որոշեցին ու ճամփա ընկան: Գնացին, գնացին, մի տեղ կանգնեցին  ու հարցրին..
-Ի՞նչ է երևում:
-Առյուծի վանդակը, փոկի ավազանն ու ընձուղտի տունը:
-Ի՜նչ մեծ է աշխարհը, ու ինչքա՜ն շատ բան ես իմանում, երբ   ճամփորդում ես:
Շարունակեցին ճանապարհն ու կանգ առան միայն կեսօրին:
-Հիմա ի՞նչ է երևում:
-Ընձուղտի տունը, փոկերի ավազանն ու առյուծի վանդակը:
-Ի՜նչ տարօրինակ է աշխարհը, ու ինչքա՜ն շատ բան ես իմանում, երբ   ճամփորդում ես:
Նորից ճանապարհ ընկան ու կանգ առան արևամուտին:
-Իսկ հիմա ի՞նչ է երևում:
-Առյուծի վանդակը, ընձուղտի տունն ու փոկերի ավազանը:
-Ի՜նչ ձանձրալի է աշխարհը.միշտ նույն բաներն են հանդիպում. ու ճանապարհորդելն էլ ոչ մի բանի պետք չէ:
Ու այդպես, նրանք ճամփորդում էին, ճամփորդում, բայց վանդակից դուրս չէին գալիս, պտտվում էին նույն շրջանում կարուսելի ձիուկի պես: Շարունակել կարդալ “Ջ․ Ռոդարի․ «Թե ինչպես կապիկները ճամփորդեցին»”