Այսօր Հարավի ճամբարականները Արմավիրի մարզի N10 դպրոցի «Հավեսի սենյակում» մասնակցեցին «Հայ Ձմեռ պապ» բարեգործական հիմնադրամի կազմակերպած վարպետաց դասին, որը անցկացնում էր Իռեն Ծատուրյանը՝ Modest Fly Art ստուդիայի հիմնադիրը: Ճամբարականները, Արմավիրի N10 դպրոցի սաները հնարավորություն ունեցան նաև լսելու Հովհ. Թումանյանի «Խելոքն ու հիմարը», «Անխելք մարդը» հեքիաթները տաղանդավոր դերասան Ստեփան Շահինյանի ներկայացմամաբ: Վիգեն Ավետիսի հետ շրջեցին դպրոցին կից այգում՝ ջրելով ծառերը, ուսումնասիրելով այգին՝ այն փոփոխելու, բարեկարգելու, Վիգեն Ավետիսի քանդակներով այգուն կյանք ու գույներ տալու հեռանկարով:
Մեր ճամփորդությունը սկսվեց Ագարակից՝ Ամբերդ գետի աջ ափից, որտեղ ճամբարականները և դասավանդողները, այցելելով Դամբարանային քարափը, տեղի կիսավեր եկեղեցին, շարունակեցին Ամբերդ գետի, քարափների ուսումնասիրությունը տարբեր ուղղություններով: Դասվանդողները՝ քայլքով Ամբերդի գետափով, ճամբարականները՝ քարափներով հասան «Ճգնավորի այր» քայրայրին, որտեղ սպասում էին Ոսկեհատ գյուղի Խրիմյան Հայրիկի անվան միջն. դպրոցի սովորողները՝ մեզ հետ իրականացնելու Գետը բնակավայրում համատեղ նախագիծը: Քարայրը ուսումնասիրելուց հետո ճանապարհը շարունակեցինք դեպի Ոսկեհատ՝ դպրոցին հարակից գետափ: Գետափին ճամբարականները Ոսկեհատ գյուղի սովորողների հետ իրականացրեցին նկարչական ֆոտոպլեններ, ծիսական հարթակում միասին կատարեցինք պարերգեր: Ընկերական փոխհարաբերություններն ու օրվա լավ տրամադրությունները, հիշողությունները վառ պահելու համար սեբաստացի ճամբարակները իրենց նկարած նկարները նվիրեցին Ոսկեհատ գյուղի սովորողներին, ուսումնասիրեցին գետափը, մաքրեցին տարածքը՝ վայելելով Ամբերդ գետի անվերջանալի հանգիստ խշշոցը, բնության ձայները:
5տարեկանների խումբը այցելեց Ազգային պատկերասրահ: Մի խումբը ուսումնասիրեց խճանկարները, մյուսները՝ քանդակները: Սովորողները ծանոթացան քանդակներին, սովորեցին տարբերել արձանները քանդակներից, իրենք իրենց ձեռքով պլաստերինով քանդակներ քանդակեցինք:
Հանդիպումը շենիկցի սովորողների և սեբաստացիների միջև կայացավ մեծ ոգևորության, տպավորությունների տեղատարափի ներքո: Հարավային դպրոցի 2.2 դասարանի սովորողները այցելեցին Արմավիրի մարզ՝ Շենիկ գյուղի միջնակարգ դպրոցի սովորողների հետ ծանոթանալու, ընկերական հարաբերություններ ստեղծելու, ծանոթանալու իրենցև ծանոթացնելու մեր կրթական ծրագրին, դասապրոցեսի անցկացմանը: Շենիկի միջնակարգ դպրոցի տնօրեն՝ տիկին Պետրոսյանի ուղեկցությամբ սեբաստացիները շրջեցին դպրոցում, դասարաններում, տեսան՝ ինչպես են անցկացնում դասը, ինչպես ենք մենք անցկացնում: Տեղեկացրինք (թեև նախքան գնալը հեռահար ներկայացրել և խոսել էինք մեր կայքերի, կրթական ծրագրերի մասին) Հարավային դպրոցի ենթակայքի, կրթահամալիրի գլխավոր ենթակայքի մասին, մեր ինչպես կարող են օգտվել կայքերից: Սեբաստացիները դատարկաեռն չէին այցելել Շենիկ: Սովորողները մեծ սիրով Շենիկի միջնակարգ դպրոցի գրադարանին նվիրեցին գրքեր, և ինչպես գրադարանավարուհի Տիկին Ռոզան ասաց, հարստացրինք իրենց գրադարանը մեր բերած գրքերով, թեև ամենամեծ նվերը մեր իրենց համար Տիգրան Հարապետյանի անվան գրադարանի կայքի մասին իմանալն էր, քանի որ սովորողների համար մեծ դժվարությունն է ձեռք բերել անհրաժեշտ գրքեր: Դպրոցի բակում շենիկցի սովորողները և սեբաստացիները ձեռք ձեռքի տված, համախմբված կատարեցին ազգային պարերգերը, որից հետո Շենիկի միջնակարգ դպրոցի դասվար Մարե Առաքելյանի ուղեկցությամբ ուղևորվեցինք գյուղից ոչ շատ հեռու գտնվող Երվանդաշատ և Բագարան գյուղերի մոտակայքում հեռվից կարոտով հիանալու Արաքս և Ախուրյան գետերով, որոնք միախառնվում են, Մովսես Խորենացու արձանագրությամբ, Հայկական Պար լեռնաշղթայով և այն հայկական գյուղերով ու տարածքներով, որոնք այժմ «շաա՜տ հեռու են մեզնից»:
Նպատակը՝ տեղի դպրոցի մանկավարժական աշխատողների հետ գործընկերական հարաբերությունների ստեղծում,մանկավարժական, կրթական փոխանակումներ Շենիկ գյուղի միջնակարգ դպրոցում, տնօրեն՝ Պողոսյան:
Եղիշե Չարենցի ծննդյան օրվա առթիվ սովորողներին ուղեկցեցինք Օղակաձև այգի, որտեղ արտասանեցինք Չարենց, վերակենդանացնելով «չարենցյան» ըմբոստ ոգին, շարունակեցինք նույն ոգով գնալ դեպի Ե. Չարենցի տուն-թանգարան: Ճանապարհին սովորողները անցորդներից հարցազրույց վերցրին, խոսոցին Ե. Չարենցի մասին, տեղեկացրին ծննդյան օրվա մասին: Ողջ ճամփորդության ընթացքում չարենցյան տոն դարձած օրը ապահովվեց սովորողների կողմից:
Ուսումնական ճամփորդության ժամանակ սովորողների հետ միասին այցելեցինք Ազգային ժողովի այգի, որտեղ սովորողները նկարեցին այն ինչ ցանկացան, ինչ իրենց գրավեց, այս աշխատանքը նպատակաուղղված էր սովորողների՝ շրջակա առարկաների, պատկերների, տեսողական ընկալման զարգացմանը, ամրապնդմանը, իսկ ճամփորդությունից հետո քայլքով դեպի Հարավային դպրոց-պաարտեզ նպաստեց սովորողների ինքնուրույնության, ճանապարհային կանոնների իմացության ամրապնդմանը, միջավայրում հասակակիցների հետ շփմանը,, խմբակային կազմակերպված, համախմբված աշխատանքի կատարմանը:
Ճամփորդության մասնակիցներն էին 2.2 դասարանի սովորողները, առաջին դասարանի սովորողները: Ներկայացմանը սովորողների համար բեմադրել էին Հովհ. Թումանյանի <<Կիկոսի մահը>>,<<Կացին ախպեր>>, <<Սուտլիկ Որսկանը>>, <<Անխելք մարդը>>, <<Մի կաթիլ մեղր>>, <<Շունն ու կատուն>>, հեքիաթները և <<Նեսոյի քարաբաղնիսը>> պատմվածքը: Դերասանական գեղեցիկ խաղի ու մտուցման շնորհիվ երեխանները մի պահ տեղափոխվել էին <<թումայանական հեքիաթային պարզ ու մաքուր, բայց միաժամանակ կյանքի խորհուրդն ունեցող աշխարհում>>:
Այսօր Ընկեր Շամիրամի հետ միասին 4-րդ դասարանի սովորողներին ուղեկցեցինք Մատենադարան<<ազգային հիշողության և զարգացման ամենակարևոր վայրերից մեկը>> ծանոթացնելու հայ հին ձեռագրերին, միջնադարյան գրքերին, տեղեկանալու <<Որդան կարմիրի>> և մյուս բնական գույների ստեղծման մասին, այցելեցինք նաև Կասկադ համալիրում գտնվող <<Գաֆէսճեան>> արվեստի կենտրոն: