«Ուրախ արևներ» 3.2 ջոկատի ճամբարականները ազգագրական փառատոնին ընդառաջ ուսումնասիրում են ազգային խաղերը, բակային խաղերը։ Միասին խաղացինք ընկուզախաղ կամ կտիկ խաղը։ Այս խաղը խաղում են ընկույզով կամ ծիրանի կտերով՝ կուտերով՝ կորիզներով։ Խաղի համար պետք է ընկույզներ կամ ծիրանի կորիզ, մենք խաղում ենք ընկույզներով։ Ընկույզներից մեկը դնում ենք մեզանից մի փոքր հեռու՝ սովորաբար պատին մոտ։ Ճամբարականները իրենց մոտ եղած ընկույզները գլորում են կամ նետում են այնպես, որ կպնի պատին մոտ դրված ընկույզին։ Ով կարողանում է հարվածել ընկույզներից մեկին, հավաքում է մյուս բոլոր ընկույզները։ Այսպես՝ հաղթում է նա, ով ավելի շատ ընկույզ է կարողանում հավաքել և կարողանում է այնպես գլորել իր ընկույզը, որ հարվածի մյուս ընկույզներին։ Սա նշանառության յուրացման ձևերից մեկն է խաղի միջոցով։
Ընկուզախաղ կամ Կտիկ
Մարգարիտ Հովնանյան 