Month: Մարտի 2023

Հաջողություն ասելով՝ ենթադրում ենք խոչընդոտների հաղթահարումը, ներառյալ, թերևս և այն նախապաշարմունքը, որ կարող ենք անհաջողության հանդիպել: Խնդիրն այն է, որ «չեմ կարող»-ը վերափոխենք «կարող եմ և կհասնեմ հաջողության»-ով:

Մանկավարժական կարևոր մոտեցումներից մեկը, այն հիմնականը, ըստ իս, որը հեղինակը ցանկանում է հասցնել ընթերցողին հետևյալն է՝ թույլ տալ, որ սովորողը, ինքնադրսևորվի, հնարավորություն ունենա բացահայտելու իր ներաշխարհը, իրերը երևույթները ընկալելու այնպես ինչպես ինքն է հասկանում, տեսնում, ընկալում, անկախ քո տեսակետից, ընկալումից, եթե անգամ դա այն չէ, ինչ դու ակնկալում էիր: Չպետք է սովորողին կաղապարել, պահանջել ավելին, այլ ընդհակառակը պետք է աստիճանաբար հասցնել սովորողին իր մտավոր կարողությունների առավելագույն դրսևորմանը: Սովորեցնենք հաղթահարել դժվարություններ, սովորեցնենք ընդունել դժվարությունները, ինչ-որ տեղ ձախողումները։ Բայց դրա հետ մեկտեղ սովորեցնենք սովորել ձախողումների միջոցով։ Եթե ինչ-որ բան չի ստացվել, շատ լավ, հասկանանք՝ ինչո՞ւ չի ստացվել, գտնենք լուծումը, միաիսն հասնենք լուծման և ոգևորենք սովորողին, որ իրեն վատ չզգա։ Սովորողն էլ գիտակցի, որ կարևոչը խնդրի լուծմանը հասնելն է, ոչ թե չստացվելը կամ դժվարանալը։ Սովոորղին դարձնել ինքնավստահ, եթե անգամ նա չի վստահոըմ իր ուժերին, դասավանդողը պետք է վստահի և իրեն էլ ապացուցի , որ կարող է։ Շարունակել կարդալ “Մանկական անհաջողությունների պատճառները: Ջոն Հոլթ” →

Մանկավարժական գարնանային ճամբարի երկրորդ օրը Հարավային դպրոցում բանագետ Աննա Թամրազյանը կազմակերպեց բնագիտական հանդիպում դասվարների մասնակցությամբ և իրականացրեց բնագիտական փորձեր։ Բնագիտական փորձերը ուղեկցվեցին դասավանդողների  քննարկմամբ, վերլուծեցինք արդյունքը, սովորեցինք  բնագիտական փորձ կատարելու նոր  հմտություններ, դիտարկեցինք ` ինչ է տեղի ունենում շենքերի և կառույցների հետ, երբ մաստակին ջրեր են առաջանում շենքերի տակ և բարձրանում դեպի շենք։

Մանակավարժական գարնանային  ճամբարի երկրորդ օրը Հարավային դպրոց-պարտեզում կրկին աշխատանքային էր` հագեցած բարեկարգման և պարտիզապուրակային, ներկման աշխատանքներով։ Շարունակեցինք բարեկարգել ուսումնական առաջին հարկը, ներկել, նոր գույներով թարմացնել տարածքը, բակում իրականացնել ծառատունկ։ Շարունակվում են նաև կաբինետների` դասարան-լաբորատորիաների մաքրման աշխատանքները։ Դասավանդողների մի խումբ էլ այսօր անցկացրեց «Մուտք» կրթահամալիր ուսումնական ճամբարը առաջին դասարան ընդունվող սովորողների համար։