— Ո՞ւր գնացին ծաղիկները:
— Սո՛ւս, քնած են հողի տակ,
Տաք ծածկված ողջ ձմեռը
Ձյուն-ծածկոցով սպիտակ:
Կգա գարնան արևն էլ ետ
Իր շողերով կենդանի,
Ձմռան սաստիկ ցրտերի հետ
Ձյուն-ծածկոցը կտանի:
«Ելե՜ք, կասի, իմ մանուկնե՛ր».
Ու հենց նրանք իմանան,
Դուրս կհանեն գլխիկները,
Աչիկները կբանան:
Հարցեր և առաջադրանքներ
1.Բանաստեղծության մեջ ինչպիսի՞ն են շողերը, ցրտերը, ծածկոցը.
___________________շողեր
___________________ ցրտեր
__________________ ծածկոց
- Ծաղիկները ինչպե՞ս են ձմեռն անցկացնում:
Նշի՛ր այդ հատվածը:
- Գարունն ինչպե՞ս կգա: Պատմի՛ր:
- Կարո՞ղ ես շարունակել.
Ձմռանը՝ ձյունե ծածկոց:
Գարնանը՝ _____________________ ծածկոց:
Ամռանը՝ ______________________ ծածկոց:
Աշնանը՝ ______________________ ծածկոց:
- Նամակ գրի՛ր քնած ծաղիկներին:
Մարգարիտ Հովնանյան 