2019-2020 ուստարում ոչ միայն մասնակցել եմ ֆլեշմոբերին՝ սովոորղների հետ քննարկել ենք, լուծել խնդիրներ, այլև մասնակցել եմ ֆլեշմոբերի կազմմանը՝ մաթեմատիկայի ֆլեշմոբ և մայրենիի ֆլեշմոբ : Ֆլեշմոբի կազմումը առաջաին հերթին նպաստում է ինքնազարգացմանը: Ֆլեշմոբի առաջադրանքները կազմելիս նախ առաջնորդվում ենք որևէ կոնկրետ թեմայով. այսինքն՝ առաջադրանքները հիմնականում կազմվում են տվյալ թեմայի շրջանակներում, իսկ թեման ընտրվում է ըստ Ուսումնական օրացույցի, ծեսերի, տոների՝ Զատիկ ուսումնական փաթեթ 1, 2, Բարձունքի հաղթահարում, Վարդավառ, Համբարձման ծես և այլն, ինչն էլ իր հերթին ավելի հետաքրքիր է դարձնում, բովանդակալից: Շարունակել կարդալ “Ֆլեշմոբի կազմումը և նշանակությունը”
Category: Ուսուցչի օրագիր
Հերթապահի օրագրից
Հարավային դպրոցում շարունակվում է հերթապահությունը՝ պարտիզապուրակային և բակային աշխատանքները: Այսօր հերթական հերթապահությունն էր Հարավում: Վայելելով Հարավի բնությունը, դեռ բակ չհասած փշատենու անուշ բույրով լցված բակի թարմ կանաչը՝ սկսեցինք աշխատանքը: Նախ հետևեցինք այգու ծառերի ոռոգմանը, բակը մաքրեցինք, դպրոցում ծաղիկները ջրեցինք, օգնեցինք նաև խոտը քաղել, տեղափոխել, վայելել դպրոցը: Ասօր նաև պարտեզի սաներն էին ներկա, օգնեցին հերթապահել, մասնակցեցին: Բոլորս սիրով ու կարոտած աշխատում ենք՝ մեր բնականոն աշխատանքի անցնելու, դպրոց հաճախելու հույսով:
Օրվա հերթապահները
Թագավարակից հետո ստեղծված իրավիճակում, իսկապես, դժվար էր հաղթահարել հեռավորությունը, չգնալ կրթահամալիր, դպրոց, չհանդիպել սովորողներին, օրը չսկսել Ընդհանուր պարապմունքով, չքայլել հեծանիվ չվարել Հարավային դպրոցի գարնանային, կանաչ բակում՝ վայելելով թարմ կանաչը: Դժվար էր, բայց փորձեցինք ելք գտնել: Սկսեցինք առցանց ուսուցումը, մեր կարոտը մեղմացրինք առցանց տեսադասերի միջոցով, ուսուցիչները սկսեցին հերթապահել Հարավային դպրոցում: Առցանց հանդիպումների ընթացքում սովորողների հետ փորձում ենք լրացնել բացը, քննարկելով, հարցերի միջոցով, ամեն անգամ փորձելով երկարացնել տեսդասը: Այս ընթացքում ծնողներից շատերը սովորողների պահանջով, խնդրանքով շատ էին դիմում ինձ, հանդիպում կազմակերպելու համար: Մեզ բոլորիս շատ ոգևորեց նաև Մենուա Հովասափյանի և մայրիկի՝ Ջեննի Բալյանի այցը Հարավային դպրոց-պարտեզ, կոչը՝ Շարունակել կարդալ “Օրվա հերթապահները”
Տեղեկատվական թերթիկների բաժանում
«Մխիթար Սեբաստացի» կրթահամալիրի, քոլեջի տեղեկատվական թերթիկների(37) բաժանում` Ծովակալ Իսակով 52/1, Մալաթիա-Սեբաստիա վարչական շրջան՝ Անդրանիկի փող., Սուրբ Երրորդություն եկեղեցու այգի, Րաֆֆու փողոց, Կինո Հայաստանի հարակից այգի:
Բակային պլեներ
Դպրոցի բակում հատուկ կարիքով սովորողները նախ paint ծրագրով նկարեցին մի հատված դպրոցի բակից, որը իրենց դուր է եկել, և փորեցին ինքնուրույն շարադրել իրենց մտքերը, ներկայացնել, նկարագրել իրենց նկարը: Բկային պլեներ նախագծի միջոցով ստուգեցինք սովորողների՝ իջավայայրում երկրաչափական պատկերների տեսողական ընկալման կարողությունը, դրանք պատկերելու ունակությունը, կապակցված նախադասությամբ մտքերը շարադրելու ունակությունը, բառապաշարի փոփոխությունը՝ բառերի հարստացում, դրանց գործածությունը՝Աբել Մինասյան, Ալբերտ Նալբանդյան
Ընթերցանություն
6-րդ դասարանի սովորողների հետ կարդում ենք, քննարկում, առաջարկում ենք կարդալ:
≪Շունն ու կատուն≫ ներկայացնում են 3.1 դասարանի սովորողները:
3.1 դասարնի սովորողները բեմադրել էին «Շունն ու կատուն» հեքիաթը: Եվ այսօր պարապմունքի ժամանակ, երբ սովորողների մի մասը մասնակցում էր լողուսուցմանը՝ բեմադրմանը մասնակցող սովորողները որոշեցին ներկայացնել հեքիաթ- բեմադրությունը: Մյուս սովորողները՝ որպես հանդիսատես, լսեցին, նայեցին, վերջում ասացին իրենց կարծիքը, քննարկեցին, եղան նոր առաջարկներ:
Կարդում ենք և քննարկում
6-5 դասարանի սովորողների հետ կարդում ենք «Սասունցի Դավիթ» էպոսի առաջին ճյուղը ,քննարկում, վերլուծում, պատասխանում հարցերին: Քննարկումը շատ հետաքրքիր էր, հատկապես, երբ հարցը վերաբերվում էր Գագիկ թագավորի քայլին կամ իրենք ինչպես կվարվեին գագիկ թագավորի փոխարեն՝ Դուք ինչպե՞ս կվարվեիք, եթե լինեիք Գագիկ թագավորի փոխարեն: Բնութագրե՛ք Գագիկ թագավորին, ժողովրդին: Հիմնավորեք: Պատասխանները շատ տարբեր էին, ամենքը ուներ իր կարծիքը, շատերը արդարացնում էին, սովորողների մի մասն էլ ընդհակառակը, պնդում էր, որ պետք է կռվել, բայց միակ զավակին չհանձնել թշնամուն: Սովորողները զարմացրին, երբ ցանկություն հայտնեցին Վ. Տերյանի «Իմ խաղաղ երեկոն է հիմա բանաստեղծությունը գեղեցիկ կատարմամբ ներկայացնել»:
Պարապմունք 2.2, 3.1 դասարանների սովորողների հետ. Հարավային դպրոց-պարտեզ
Պարապմունքի ժամանակ սովորողների հետ վերհիշեցինք ածանցները, սովորողները կազմեցին ածանցավոր բառեր՝ տրված ածանցներից և բառերից, ինքնուրույն գրեցին ածանցավոր բառեր, առանձնացրեցին այդ բառերի արմատը, ածանցը, համապատասխան բառերը իրար միացնելով կազմեցին նախադասություններ:
Ուսումնական պարապմունք 6.5 դասարանում
Ուսումնական պարապմունքի՝ 4.03.2019 երկուշաբթի`Թարգմանություն: Սովորողները բաժանվեցին երկու խմբի. առաջին խումբը կատարում էր թարգմանություն գրաբարից, երկրորդ խումբը՝ ռուսերենից: Երկու խմբերի տարբեր աշխատանքների արդյունքում այն սովորողներ, ովքեր թարգմանանում էին ռուսերենից առակներ, սովորեցին ճիշտ ձևակերպել մտքերը, օտար բառերը, նախադասությունները ճիշտ թարգմանել, չկատարել բառացի թարգմանություն, ընտրել տվյալ օտար բառի՝ տվյալ մտքին համահունչ հայերեն համարժեքը: Գրաբարից աշխարհաբար թարգմանություն կատարող սովորողները համեմատեցին աշխարհաբարի և գրաբարի ուղղագրությունը, քննարկեցին տարբերությունները, սովորեցին որոշ բառերի բացատրությունները, իմաստային տարբերությունները: Դրանց իմաստային տարբերությունն ավելի ակնհայտ դարձնելու նպատակով այդ բառերը գործածեցին թե՛ գրաբարով, թե՛ աշխարհաբարով: Ուսումնական պարապմունքին խմբերը փորձեցին կատարել նաև հակառակ աշխատանքը. առաջին խումբը փորձեց իր ուժերը՝ թարգմանելով այժմ գրաբարից, երկրորդ խումբը՝ ռուսերենից: Սովորողների մի խումբն էլ կատարում էր անհատական ուսուցման առաջադրանքները:
