Posted in Ուսումնական ճամփորդություններ, Կրթական փոխանակումների նախագծեր

Ծաղկալանջյան բարձունքը հաթահարած ճամփորդ սեբաստացիները

Առաջին դասարանի սովորողների առաջին ուսումնական ճամփորդությանը՝ բարձունքի հաղթահարմանը, մասնակցեցին  Արմավիրի մարզի Ծաղկալանջ գյուղի միջնակարգ դպրոցի սովորողները::  Մինչ բարձունք նվաճելը , մեր առաջին կանգառը եղավ Զվարթնոց տաճարում, որից հետո Հարավային դպրոցի 1-1, 1-2 սովորողներին միացան նաև Ծաղկալանջ գյուղի միջնակարգ դպրոցի առաջին դասարանի սովորողները, տնօրեն Հ.Եգորյանը, կազմակերպիչ՝ Մարինե Ամիրջանյանը, դասվար Շարունակել կարդալ “Ծաղկալանջյան բարձունքը հաթահարած ճամփորդ սեբաստացիները”

Posted in Ուսումնական ճափորդություն, Կրթական փոխանակումների նախագծեր

Հայրենագիտական ≪շենացնող≫ ճամփորդություն Շենիկ գյուղում (Արմավիրի մարզ)

Հայրենագիտական  «շենացնող» ճամփորդություն Շենիկ գյուղում

Հանդիպումը շենիկցի սովորողների և սեբաստացիների միջև կայացավ մեծ ոգևորության, տպավորությունների տեղատարափի ներքո: Հարավային դպրոցի 2.2 դասարանի սովորողները այցելեցին Արմավիրի մարզ՝ Շենիկ գյուղի միջնակարգ դպրոցի սովորողների հետ ծանոթանալու, ընկերական հարաբերություններ ստեղծելու, ծանոթանալու իրենցև ծանոթացնելու մեր կրթական ծրագրին, դասապրոցեսի անցկացմանը: Շենիկի միջնակարգ դպրոցի տնօրեն՝ տիկին Պետրոսյանի ուղեկցությամբ սեբաստացիները շրջեցին դպրոցում, դասարաններում, տեսան՝ ինչպես են անցկացնում դասը, ինչպես ենք մենք անցկացնում: Տեղեկացրինք (թեև նախքան գնալը հեռահար ներկայացրել և խոսել էինք մեր կայքերի, կրթական ծրագրերի մասին) Հարավային դպրոցի ենթակայքի, կրթահամալիրի գլխավոր ենթակայքի մասին, մեր  ինչպես կարող են օգտվել կայքերից: Սեբաստացիները դատարկաեռն չէին այցելել Շենիկ: Սովորողները մեծ սիրով Շենիկի միջնակարգ դպրոցի գրադարանին նվիրեցին գրքեր, և ինչպես գրադարանավարուհի Տիկին Ռոզան ասաց, հարստացրինք իրենց գրադարանը մեր բերած գրքերով, թեև ամենամեծ նվերը մեր իրենց համար Տիգրան Հարապետյանի անվան գրադարանի կայքի մասին իմանալն էր, քանի որ սովորողների համար մեծ դժվարությունն է ձեռք բերել անհրաժեշտ գրքեր: Դպրոցի բակում շենիկցի սովորողները և սեբաստացիները ձեռք ձեռքի տված, համախմբված կատարեցին ազգային պարերգերը, որից հետո Շենիկի միջնակարգ դպրոցի դասվար Մարե Առաքելյանի ուղեկցությամբ ուղևորվեցինք գյուղից ոչ շատ հեռու գտնվող Երվանդաշատ և Բագարան գյուղերի մոտակայքում հեռվից կարոտով հիանալու Արաքս և Ախուրյան գետերով, որոնք միախառնվում են,  Մովսես Խորենացու արձանագրությամբ, Հայկական Պար լեռնաշղթայով և այն հայկական գյուղերով ու տարածքներով, որոնք այժմ «շաա՜տ հեռու են մեզնից»:

Posted in Նախագիծ, Կրթական փոխանակումների նախագծեր

Հայրենագիտական ≪շենացնող≫ ճամփորդություն Շենիկում( Արմավիրի մարզ)

54414085_387631238725769_8537400961511981056_n   Ճամփորդության վայրը՝ Արմավիրի մարզ գյուղ Շենիկ

  • Ճամփորդության մասնակիցներ՝ Հարավային դպրոց- պարտեզ, 2.2 դասարանի սովորողներ:
  • Ճամփորդության երթուղին՝ Երևան-Արմավիր-Երևան
  • Ճամփորդության օրը` Ապրիլի 12
  • Ճամփորդության պատասխանատուներ՝  Մարգարիտա Հովնանյան, Սեդա Խաչատրյան,  Մարիամ Մնացականյան:

Նպատակը՝ տեղի դպրոցի մանկավարժական աշխատողների հետ գործընկերական հարաբերությունների ստեղծում,մանկավարժական, կրթական փոխանակումներ Շենիկ գյուղի միջնակարգ դպրոցում, տնօրեն՝ Պետրոսյան:

Քայլք գյուղում,  պատմամշակութային վայրերի ծանոթացում՝ Դամբարանադաշտ,  Մշակույթի տուն:

Անհրաժեշտ իրեր՝

Թվային միջոցներ՝ տեսախցիկ, այնագրիչ, ֆոտոխցիկ:

Սնունդ, ջուր, ջրաման:

Ուսապարկ:

Համապատասխան սպորտային համազգեստ:

Նախապատրաստական աշխատանքներ՝

Սովորողների հետ պատրաստվում ենք ճամփորդությանը.

  • Մուտքագրում են անհրաժեշտ նյութերի ցանկը
  • Հարցեր են մշակում տեղի բնակիչների հետ՝ հարցազրույց վարելու համար:
  • Դպրոցի սովորողների հետ իրականացնում ենք Ծաղկազարդ(Ծառզարդար)  ծեսը:
  • Վերադառնալուց հետո  պատրաստում ենք տեսանյութ և տեղադրում բլոգում, ենթակայքում և այլ սոցիալական ցանցերում:

Անելիքներ՝

  • Այցելում ենք դպրոց, ծանոթացնում ենք Շենիկի միջնակարգ դպրոցի սովորողներին մեր կրթական ծրագրին, Հարավային դպրոց-պարտեզի ենթակայքին, դասավանդողների, սովորողների բլոգներին:
  • Երաժշտության դասավանդող Մարիամ Մնացականյանի ղեկավարությամբ սեբաստացի սովորողները կներկայացնեն մեր ազգային երգերը, պարերգերը, որին մասնակից կդարձնեն նաև Շենիկի միջն. դպրոցի սովորողներին, կուսուցանեն:
  • Սեբաստացիները  հարցազրույց կվերցնեն, քայլքով կշրջենք գյուղում, սովորողները կլուսանկարեն գյուղի տեսարժան վայրերը, հեռվից կտեսնենք նաև Ախուրյան և Արաքս գետերի ներդաշնակ հոսքը:

Գյուղի պատմությունը՝ Շենիկ, գյուղ ՀՀ Արմավիրի մարզում ։ Գտնվում է մարզկենտրոնից 27 կմ հյուսիս-արևմուտք, բարձրությունը ծովի մակերևույթից՝ 1125 մ։ Շենիկ է անվանվել 1978 թվականի հունվարի 25-ին։ Բնակչությունը զբաղվում է հացահատիկի մշակությամբ, այգեգործությամբ և պտղաբուծությամբ։ Գյուղի շրջակայքում կան մ.թ.ա. 2-րդ-1-ին հզմ. դամբարանադաշտ, մ.թ.ա. 2-րդ-1-ին հզմ. բնակատեղի և 3-5-րդ դդ. ամրոց։