Posted in Մեդիագրադարան

Ամանորյա հանելուկներ, ասիկներ

Ձմռանը

Ձյուն կա դաշտերում,

Սառույց՝ ջրերում,

Քամի է փչում

Այդ ե՞րբ է լինում:  (Ձմռանը)

Ձնեմարդ

Հողմ ու բքին կանգնած է դրսում,

Թեև մերկ է, բայց չի մրսում,

Հաստանում էփաթիլներից

Եվ մաշվում է արեգակից:  (Ձնեմարդ)

Նոր տարի

Շատ գեղեցիկ տոն է այսօր

Լույս ու զարդ է շուրջբոլոր

Երբ որ սկսվի մի նոր օր

Ասելու ենք շնորհավոր:

Եղևնի

Ձմռան տոնին ցուրտ անտառից

Հյուր կգա մեզ ասեղով լի

Կանաչ հագած գեղեցկուհի

Ո՞ր ծառն է դա, ո՞վ կասի:

Սառույց

Քար եմ, բայց քար չեմ,

Արև կպավ կհալչեմ:

Ձյուն

Մայրս ալյուր մաղեց, լեռ, դաշտ պատեց:

Ձյուն

Ձմռան ամեն ուր եմ

Ձեր սիրելի հյուրն եմ,

Մեծի համար պաղ եմ,

Մանուկների խաղն եմ:

Ձյունի սպիտակ ալյուր մաղեմ ,

Բերք-բարիքի տարի լինի:
Անուշ-անուշ խմոր շաղեմ,
Արտս ցորեն — գարի լինի,
Կլոր , կարմիր գաթա թխեմ,
Թող թխածս բարի լինի:

***
Առատ տարի, բերքը` բարի:

***
Ամառվա փուշ` ձմեռվա նուշ:

***
Ձմեռվա վարդը կրակն է:

***
Ամառ բեր, ձմեռ կեր:

***

Գալանտոս, տոս, տոս,
Գալանտոսը էկել է,
Դռան տակը կայնել է,
Շիլա շապիկ հագել է,
Մեկ ավուճին խայիլ է:

***

Շնորհավոր Նոր տարի,
Ձեր տունը շեն իլի,
Բարով նոր հագնեք,
Միշտ ուրախ իլեք:
Հացը բոլ իլի,
Աչքը կուշտ իլի,
Ձեզ էլ փայ իլի,
Մեզ էլ փայ իլի:

***

Ձեր տուն մտնի հազար բարի,
Հաճար, ցորեն, կորեկ, գարի,
Լիքը խորեր շատ ունենաք,
Կարմիր օրեր շատ ունենաք,
Կարմիր օրով, կարմիր շորով,
Ուրախ կենաք` լիքը տնով:

***

Ահա եկավ Նոր տարի,
Հետը բերավ նոր բարի,
Մանր տղոց ուրախ օր,
Բարի զավակ հորն ու մոր:

***

Հինը գնաց, նորը կուգա,
Հինը ուրախ ճանապարհեք,
Նորի համար պատրաստեցեք
Դուռ, լուսամուտ բացեք,
Ինչ ուզում եք խնդրեցեք:

***

Բարով եկար Նոր տարի,
Տուր մեզի ցորեն, գարի,
Մեր փեթակն ալուր կուզե,
Տանտիկինը յեղ կուզե,
Բուխարիկս մուխ կուզե,
Մեր օջախը փետ կուզե,
Այգուն, բաղջին պտուղ տուր,
Հիվանդություն թող չըլնի,
Ապրիք շատ ու շատ տարի:

Advertisement

Հեղինակ՝

Ողջո՜ւյն, ես Մարգարիտա Հովնանյանն եմ՝ մասնագիտությամբ բանսեր-մանկավարժ, աշխատում եմ ≪Մխիթար Սեբաստացի≫ կրթահամալիրի Հարավային դպրոց-պարտեզում՝ որպես դասվար:Սիրում եմ ընթերցել, զբաղվել սպորտով, երբեմն ստեղծագործել:

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s