Բարձունքի հաղթահարում

Մասնակիցներ՝ 1-1, 1-2 դասարանի սովորողներ, ծնողներ

Ժամկետը՝  Սեպտեմբերի 24 , ժամը ընդհանուր պարապմունքից հետո՝ 09:30

Վայրը՝ Արմավիրի մարզ, Ծաղկալանջ և Արագած գյուղերի սահմանաեզր Կարմիր (Ղզլ 937մ) լեռ,

Երթուղի՝ 

Հարավային դպրոց-Մուսալեռ-Զվարթնոց-Վաղարշապատ-Արմավիրի մայրուղի-Գեղակերտ-Ծաղկալանջ 23,7կմ

Պատասխանատուներ՝ Մարգարիտ Հովնանյան, Գոհար Սմբատյան, Նաիրուհի Համբարձումյան, Էլիզաբեթ Ադիկյան

Նպատակը՝  մասնակցություն «Բարձունքի նվաճում»,  նախագծին: Ուսումնական ճամփորդության ընթացքում միասին նոր միջավայրում քայլելու, միասին լինելու, գործելու, տեղանքը խնամելու,  խոչընդոտները հաղթահարելու, միմյանց օգնելու կարողությունների, հմտությունների ձեռքբերում:

Խնդիրները՝
• Թիմային (խմբով) աշխատելու (հանդես գալու) կարողությունների ձևավորում:
• Ընտանիքին ներգրավելով ուսումնական գործընթացին՝ դարձնել դրա մասնակիցը:

 

Նախագծի իրականացման փուլերը՝
• Նախապատրաստում
• Ճամփորդություն
• Ամփոփում

Անհրաժեշտ ճամփորդական իրեր, նյութեր

•  թվային միջոցներ՝ ֆոտոխցիկ, բջջային հեռախոս,
• սպորտային համազգեստ,
• ուսապարկ, ջուր, սնունդ, արևապաշտպան գլխարակեր,
• Էկո նախագծի իրականացման համար աղբի  տոպրակներ, ձեռնոցներ,
• հեռադիտակ, խոշորացույց,
• գուաշ, թղթեր

Նախագծի իրականացումն ըստ գործունեության ոլորտների

Փուլ 1-ին՝ Նախապատրաստում

Խոսք, զրույց, պատումներ ճամփորդության վայրի մասին:

Նախապատրաստական աշխատանքներ դասարանում:

Սննդի կազմակերպումը:

Ճամփորդական, արշավային կանոնների մասին զրույց, քննարկում, մշակում:

Ճամփորդության վայրի մասին նյութերի դիտում, ուսումնասիրում:/մյուս դասարանների աշխատանքները/

Փուլ 2-րդ՝ Ճամփորդություն

 Ճամփորդության նկարագրություն

1-ին կանգառ՝՝ Զվարթնոց տաճար

2-րդ կանգառ՝ Ծաղկալանջ գյուղ . առաջին դասարնի սովորողների հետ կայցելենք Ծաղկալանջ գյուղ, մեզ կմիանան Ծաղկալանջ գյուղի միջնակարգ դպրոցի սովորողները, տնօրեն Հ. Եգորյան, կազմակերպիչ Մարինե Ամիրջանյան, որից հետո կգնանք Ծաղկալանջ և Արագած գյուղերի սահմանաեզրին գտնվող Կարմիր (Ղզլ )լեռան լանջ՝ առաջին դասարանի սովորողների հետ կքայլենք դեպի լեռը, կուսումնասիրենք տեղանքը, կիրականացնենք Էկո նախագիծ:

Բարձունքի հաղթահարում՝  կհաղթահարենք Կարմիր լեռը, կերգենք «Արև՛, արև՛, ե՛կ, ե՛կ» երգը (937մ):  Միասին կիրականացնենք աշնանային պլեներ՝ լեռան գագաթից, լանջից  բացվում է աշնանային Ծաղկալանջի տեսարանը, երևում է գյուղը, դաշտերը, խաղողի այգիները:

Բարձունքը հաղթահարելուց հետո լեռան լանջին կկատարենք, «Կաքավիկը», «Լորիկ», «Բուլուլ» պարերգը:

Փուլ 3-րդ Ամփոփում

ֆոտոպատումների, պատումների, տեսաֆիլմերի ստեղծում, հրապարակում բլոգում, ենթակայքում:

Նախապատրաստական աշխատանքներ՝

 

Ամփոփում՝

Ծաղկալանջյան բարձունքը հաղթահարած սեբաստացիները